Ситора Ҳамидовани табриклаймиз!

Бугун енгил атлетика бўйича Ўзбекистон терма жамоаси аъзоси Ситора Ҳамидова ўз таваллуд айёмини нишонламоқда.

Ситора Ҳамидова 1989 йил 12 май куни Термиз шаҳрида туғилган. Рио-2016 Олимпия ўйинлари ва Индонезияда ўтган (2018) Осиё ўйинлари иштирокчиси. 10 минг метр, ярим марафон ва марафон йўналишларида югуриш бўйича ихтисослашган спортчимиз фаолияти давомида кўплаб нуфузли мусобақаларда юртимиз шарафини муносиб ҳимоя қилган. Ҳамидова кўп карра Ўзбекистон чемпиони, шунингдек, 10 минг метр ва ярим марафон йўналишларида мамлакат рекордчиси ҳисобланади.

Ўзбекистон Миллий олимпия қўмитаси Ситора Ҳамидовани бугунги таваллуд айёми билан табриклаб, унга сиҳат-саломатлик, узоқ умр ва улкан зафарлар тилаб қолади.

Поделиться 2020-05-12 18:07:57