Спортчининг карантин ва ўз-ўзини яккалаш шароитида таомномаси

Карантин ва ўзини изоляция қилиш шароити кўплаб спортчиларимиз учун янгиликдир. Бу муқаррар равишда стрессга олиб келади. Бундай вазиятда парҳез қилиш қийин кечади. Спортчи учун яна бир салбий омил – бу мусобақаларни номаълум муддатга бекор қилинишидир. Бу тўғри овқатланиш мотивациясини камайтиради.
Ушбу муаммони ҳал қилиш учун биз карантин пайтида атлетларимизга спорт формаларини йўқотмасликка ёрдам берадиган оддий усулларни таклиф этамиз.
Ўз-ўзини назорат қилиш. Овқатланиш кун тартибини назорат қилишнинг муҳим усули таомни фотосурат шаклида сақлашдир. Бирор нарса ейишдан олдин уни расмга оласиз.

Фотосуратлар рационни холис баҳолаш ва ўз вақтида тузатишга ёрдам беради.


Овқат ҳажмини аниқлаш учун юқоридаги расмда кўрсатилганидек, ўлчов воситаси сифатида тарелка ёнига кафтингизни қўйишингиз керак.
Таомномани холис баҳолаш учун марказ тезкор штаби спорт нутрициологи (овқатланиш бўйича мутахассис) билан алоқа ўрнатди. У исталган пайтда саволларга жавоб беришга тайёр.
Тери ажинларининг вазни, ҳажми ва қалинлигини кузатиб боринг. Эрталаб, оч қоринга, ҳожатхонага боргандан кейин шахсий вазнни ўлчаб кўриш лозим. Динамикани билиш учун оғирлик қайд этиб борилиши керак. Ҳафтада бир марта ҳажмлар ўлчанади ва ёғ миқдори ҳисоблаб чиқилади.


Паст жисмоний фаоллик асосида рационингизни режалаштиринг. Aфсуски, уйдаги машғулотлар асосий машғулот даврида бўлгани каби бир хил юкламани таъминламайди, истеъмол қилинган калориялар сони эса бир хил даражада қолмоқда. Ёки камайтирилган юкламалар фонида иштаҳа тушади ва спортчи вазн йўқотишни бошлайди. Шунинг учун овқатланишнинг калория таркиби тўғри танланиши керак. Рационингиз эҳтиёжга жавоб берадиган асосий мезон бу оғирлик ва ҳажмда ижобий ёки салбий динамиканинг йўқлиги. Aгар вазн ўсишни бошлаган бўлса – кўп овқатланяпсиз, аксинча, пасая бошласа – бу етарли эмас.


Ёрдам учун профессионалларга мурожаат қилишга тортинманг. Биз сиз учун бу қийинлигини тушунамиз. Шунинг учун сизга ёрдам беришни ўз бурчимиз деб биламиз. Марказнинг диетологининг Телеграмдаги саҳифаси суткасига 24 соат давомида ишлайди. Мурожаатларингизни +998903709602 рақамига юборишингиз мумкин.

Манба

Поделиться 2020-04-09 23:54:55