Бектемир Мелиқўзиевни табриклаймиз!

Бугун бокс бўйича Ўзбекистон терма жамоаси аъзоси Бектемир Мелиқўзиев ўз таваллуд айёмини нишонламоқда.

Бектемир Мелиқўзиев 1996 йил 8 апрель куни Қўқон шаҳрида таваллуд топган. Бокс бўйича ўсмирлар ўртасида жаҳон чемпиони, Нанкин-2014 ўсмирлар Олимпиадаси ғолиблигини қўлга киритган Бектемир катталар тоифасида ҳам ўзининг муваффақиятли юришини давом эттирди. Хусусан, 2015 йил Дохада ўтган жаҳон чемпионати ва 2016 йил Рио-де-Жанейрода ўтган Олимпия ўйинларининг -75 килограмм вазн тоифасида кумуш медалига сазовор бўлди. Мелиқўзиев ҳозирда профессионал боксда ўзининг муваффақиятли юришини давом эттирмоқда.

Бектемир Мелиқўзиевни бугунги таваллуд айёми билан табриклаб, боксчимизга узоқ умр ва мустаҳкам соғлиқ тилаб қоламиз.

Манба

Поделиться 2020-04-08 17:02:47