ВАРни қумсаб, "Пахтакор" томонидан дўппосланган "Навбаҳор", бундай ўйинга тайёр бўлмаган Андрей Канчельскис шогирдлари

“Пахтакор” – “Навбаҳор” учрашувидан сўнг меҳмонлар устози Андрей Канчельскис матбуот анжуманида билдирган фикрларининг тўлиқ кўриниши билан танишинг?

Биринчи навбатда “Пахтакор”ни ғалаба билан табриклайман. Икки хил тайм гувоҳи бўлдик. Ўйлашимча ҳакам учрашувни синдирди. Биринчи бўлимда тенгга-тенг ўйнаган вақтимизда устунликка эга бўлдик. Аммо четлатиш якуний натижага таъсир этди. Инсон омили боис бўладиган хатоларни тушунамиз, лекин бундай яққол хато қилиш муносиб эмас.

Ҳаёт давом этади. Келгуси баҳсларга тайёргарлик кўришимиз керак. Ҳали яна бир нечта футболчиларни рўйхатдан ўтказишни режалаштирганмиз. “Пахтакор”га ОЧЛда омад тилайман. Узоқ йўл босиб келган мухлисларимизга раҳмат айтаман.

Агар VAR бўлса, мана шундай нохуш ҳолатлар, хатоларнинг олди олинган бўлармиди...

Биринчи тайммда Егор Кримец икки оёғининг таги билан футболчимизга ташланди. Бу яққол қизил карточка эди.

Иккинчи бўлимни эса футбол эмас, бизни дўппослаш дейишим мумкин. 10 та футболчи бўлиб ҳимояландик, ҳисобни ушлашга ҳаракат қилдик. Лекин...

Бир киши кам жамоа чарчаб қолади. Бу жисмоний ҳолат билан боғлиқ. Жамоа ҳимояланишга мажбур бўлади. Дунёнинг исталган жамоасида бундай вазият кузатилади. Чунки кўпроқ гол ўтказиб юборишни истамайди. Агар ҳужумга ўтганимизда, 5 та гол қўйиб юборишимиз мумкин эди. Биз «Пахтакор»га қарши бундай футбол ўйнашга тайёр эмасмиз. Лекин ўйинимиз ва футболчиларимдан мамнунман, - деди Андрей Канчельскис.

 

Манба

Поделиться 2020-02-28 11:57:52