Исроил Мадримов машҳур Мадисон Сқуаре Гарден аренасида жанг қилади

5 октябр куни профессионал боксчимиз Исроил Мадримов ўз жангини мексикалик Аляндро Баррерага қарши ўтказади.

Таъкидлаш жоизки, бу Мадримовнинг профессионал боксдаги учинчи жангидир ва ҳамюртимиз ушбу жангга жиддий тайёргарлик кўрмоқда. Мадримовнинг рақиби Аляндро Баррера шу пайтгача рингда 34 марта рингга чиқди ва 29 марта ғалаба қозонди, қолган 5 марта рақибларига ютқазди.

Исроил Мадримов ҳозир Ню-Ёркда ва жангга тайёргарликни якунламоқда. Эътиборлиси, кеча Ню-Ёркнинг асосий кўчаларидан бирида боксчимиз машғулот ўтказди. Машғулот давомида кўплаб юртдошларимиз ва Мадримовнинг мухлислари уни қўллаб-қувватлаш учун ҳозир бўлишди.

Мадримов ва Баррера жанги машҳур Мадисон Сқуаре Гарден аренасида бўлиб ўтади, унинг аҳамияти жиҳатидан бу Геннадий Головкин (Қозоғистон) ва Серегия Деревенко (Украина) ўртасидаги жангдан кейинги иккинчи муҳим жанг ҳисобланади.

Жанглар Тошкент вақти билан соат 06:00 да бошланади, Спорт телеканали жонли эфирда намойиш этилади.

 

Батафсил

 

Поделиться 2019-10-03 11:31:22