Бугун гандболчиларимиз ЖЧ йўлланмаси учун баҳс олиб боришади

Айни кунларда Ҳиндистоннинг Жайпур шаҳрида гандбол бўйича 18 ёшгача бўлган қизлар ўртасида Осиё чемпионати бўлиб ўтмоқда. Бугунги кун дастурида Ўзбекистон ёшлар терма жамоаси жаҳон чемпионати йўлланмаси учун майдонга чиқадилар.

“А” гуруҳида Жанубий Корея, Япония терма жамоаларидан мағлубиятга учраган ёшларимиз Бангладеш термаси устидан ғалабага эришди. Бешинчи ўрин учун кечган ўтиш баҳсида эса мусобақа мезбонлари 35:34 ҳисобида мағлуб этилди. Шу тариқа ҳамюртларимиз бугун бешинчи ўрин учун Хитой Таипеи жамоасига қарши майдонга чиқишади. Ушбу рақиб мағлуб этилса, қизларимиз келаси йили Францияда бўлиб ўтадиган ёшлар ўртасидаги жаҳон чемпионатида иштирок этиш ҳуқуқини қўлга киритишади.

 

Батафсил

Поделиться 2019-08-29 10:35:59