Футбол. ЎФА Европанинг етакчи жамоаларидан бирига қарши ўртоқлик ўйини ташкил қилиш бўйича келишувга эришди

Ўзбекистон миллий терма жамоаси Жаҳон чемпионати саралаш баҳсларига жиддий тайёргарлик кўриш мақсадида, июнь ойидаги ФИФА кунларида КХДР ва Сурия терма жамоаларига қарши ўртоқлик ўйинлари ўтказиши ҳақида хабар бериб ўтгандик. Мазкур ўйинлар пойтахтимиз Тошкент шаҳрида ўтказилади.

Саралаш босқичига муносиб ҳозирлик кўриш юзасидан ЎФА Туркия футбол федерацияси билан миллий терма терма жамоалар ўртасида ўртоқлик учрашуви ташкил қилиш борасида келишувга эришди. Унга кўра 2 июнь куни Эктор Купер бошчилигидаги Ўзбекистон миллий терма жамоаси Анталияда Туркия терма жамоасига қарши ўртоқлик ўйини ўтказади.

Маълумот учун, 2002 йилги жаҳон чемпионатининг бронза медали соҳиби ҳисобланмиш Туркия терма жамоаси айни пайтда ФИФА рейтингида 39-поғонани эгаллаб турибди. Терма жамоа таркибида Европанинг кучли бешлигида тўп сурадиган номдор футболчилар ҳаракат қилади.

Манба

Поделиться 2019-05-10 11:23:52