Таэквондочиларимиз ЖЧга тайёргарликнинг сўнгги босқичини олиб боришмоқда

Яна бир неча кундан сўнг Буюк Британиянинг Манчестер шаҳрида таэквондо бўйича навбатдаги жаҳон чемпионати старт олади. 15-19 май кунлари ўтадиган мазкур мусобақада терма жамоамиз вакиллари 11 нафар спортчи билан иштирок этади. Ушбу жаҳон чемпионати Токио Олимпиадасига йирик рейтинг очколарини тақдим этиши билан янада аҳамиятли. Шу боис ҳам унда жаҳоннинг энг кучли таэквондо усталари жам бўлади. Терма жамоамиз вакиллари мазкур мусобақага тайёргарликнинг сўнгги босқичини олиб боришмоқда.

Бугун Хумсон дам олиш масканида тоғдаги сўнгги йиғин якунланади. Шундан сўнг спортчиларимиз Ўзбекистон таэквондо ассоциациясига қарашли «Универсал» спорт мажмуасида охирги машғулотни ўтайдилар ва 13 май куни Манчестер шаҳрига йўл олишади.

Терма жамоамизнинг жаҳон чемпионатида иштирок этувчи таркиби қуйидагича:

Эркаклар:
-54 кг: Валентин Хегай
-58 кг: Суҳроб Бобобеков
-74 кг: Никита Рафалович
-80 кг: Шуҳрат Салаев
-87 кг: Максим Рафалович
+87 кг: Дмитрий Шокин

Аёллар:
-49 кг: Мадинабону Маннопова
-53 кг: Чарос Қаюмова
-62 кг: Феруза Содиқова
-67 кг: Нигора Турсунқулова
+73 кг: Светлана Осипова

Манба

Поделиться 2019-05-10 10:30:36