Хуррамов ва Олтибоев бронза медали учун курашади

БААнинг Фужайра шаҳрида ўтказилаётган дзюдо бўйича Осиё-Океания чемпионатининг яккалик баҳслари якунига етиб бормоқда. Бугун мусобақа доирасида оғир вазнли спортчилар беллашишяпти.

Қувонарлиси, кечки дастурда 2 вакилимиз медаллар учун кураш олиб боришади. Муҳаммадкарим Хуррамов -100 кг вазнли дзюдочилар баҳсида ярим финалда имкониятни бой бериб қўйди. Энди у бронза медали учун покистонлик Хуссайн Шоҳ билан баҳс олиб боради.

Энг оғир вазнли полвонлар беллашувида ҳам яна бир вакилимиз бронза медали учун курашади. Бекмурод Олтибоев ярим финалда кореялик Сунгмин Ким тўсиғидан ўта олмади. Вакилимиз шоҳсупага кўтарилиш учун бошқа бир кореялик дзюдочи Минжонг Кимни мағлуб этиши керак бўлади.

Манба

Поделиться 2019-04-24 09:53:40