Анталья Гран-присидан кейин Олимпиада рейтингига назар

Ортда қолган дзюдо бўйича Анталья Гран-присидан кейин Олимпиада рейтингини йиғиш бўйича кечаётган рейтингга назар солишнинг айни вақти. Турнирда кузатилган энг эътиборли жиҳати -73 килограмм вазн тоифасида жанубий кореялик Ан Чангримнинг жадвалда биринчи ўринга кўтарилиб олгани бўлди. Кореялик спортчининг Туркия Гран-присида биринчи ўринни қўлга киритгани унинг ушбу натижага эришишига замин яратди.

Юртдошларимизнинг ўрнига тўхталадиган бўлсак, Кемран Нуриллаев (-60 кг) Антальядаги ажойиб иштирокидан кейин рейтингда сезиларли даражада кўтарила олди ва йўлланма зонаси учун кечаётган кескин курашга қўшилди. Эслатиб ўтамиз, юртдошимиз мусобақада кумуш медални қўлга киритган. Батафсил:

-60 кг:
1. Роберт Мшвидобадзе (Россия) – 2251 очко
8(8 аввалги ўрни) . Шарофиддин Лутфуллаев – 1220 очко (йўлланма зонасида)
35 (35). Диёрбек Ўрозбоев – 378 очко (йўлланма зонасида эмас)
41(116). Кемран Нуриллаев – 303 очко (йўлланма зонасида эмас)

-66 кг:
1. Жоширо Маруяма (Япония) – 2250 очко
14(13). Сардор Нуруллаев – 877 очко (йўлланма зонасида)
26(24). Шаҳрам Аҳадов – 569 очко (йўлланма зонасида)

-73 кг:
1. Ан Чангрим (Жанубий Корея) – 2150 очко
16(15). Ҳикматиллоҳ Тўраев – 831 очко (йўлланма зонасида)

-81 кг:
1. Саги Муки (Исроил) – 1975 очко
40(39). Шарофиддин Болтабоев – 348 (йўлланма зонасида эмас)

-90 кг:
1. Николоз Шеразадишвили (Испания) – 2451 очко
55(54). Давлат Бобонов – 261 очко (йўлланма зонасида эмас)

-100 кг:
1. Варлам Липартелиани (Грузия) – 2351 очко
24(23). Муҳаммадкарим Хуррамов – 626 (қитъавий квота)

+100 кг:
1. Гурам Тушишвили (Грузия) – 2255 очко
5(4). Бекмурод Олтибоев – 1360 очко (йўлланма зонасида)

Эслатма!
– Юқорида фақат Олимпиада рейтинги келтириб ўтилган, жаҳон рейтинги эмас.
– Рейтингда етакчи ва унга энг яқин вакилимиз кўрсатилган.
– Бир вазнда 2 ёки ундан ортиқ дзюдочи йўлланма зонасида бўлса (худди -66 кг вазн тоифасидек), қайси спортчи Олимпиадага боришини МОҚ танлайди.
– Олимпиада рейтингини йиғиш 2020 йилнинг 25 май санасида якунланади.

Манба

Поделиться 2019-04-08 15:22:31