Ўзбекистон аёллар олимпия терма жамоаси туркманистонлик рақибларини 11:1 ҳисобида мағлуб этди

«Turkish Women’s Cup 2019» мусобақасида иштирок этаётган Ўзбекистон аёллар олимпия терма жамоаси кеча Туркманистон вакилаларига қарши баҳс олиб борди. Юртдошларимизнинг катта устунлигида кечган баҳс якунда 11:1 ҳисобида бизнинг фойдамизга якунланди.

Футболчи қизларимиздан Шаҳноза Қурбонова покер қайд этган бўлса, Нилуфар Қудратова хет-трикни расмийлаштирди. Қолаверса, Феруза Турдибоева ҳисобига 2 та гол ёзилди. Малика Бурхонова ҳам учрашув якунида ўз номини учрашув қайдномасига ёздириб қўйди. Шунингдек, рақиб футболчилари 1 бор бизнинг ва ўз дарвозаларини ишғол қилишди.

Шу тариқа Баҳром Норсафаров шогирдлари Ҳиндистон ва Туркманистон ОТЖларини мағлуб этиб, гуруҳда 6 очко жамғаришди.

Манба

Поделиться 2019-03-04 12:36:06