Oʻzbekistonlik zamonaviy beshkurashchilar “LASERHOMERUN” xalqaro onlayn musobaqasida ishtirok etishadi

29-aprel kuni Xalqaro zamonaviy beshkurash ittifoqi #LaserHomeRun onlayn loyihasini yoʻlga qoʻyayotgani haqida maʼlum qilgan edi. Xabar berganimizdek, mazkur musobaqada barcha yosh toifasidagi koʻngillilar qatnashishi mumkin. Shunda ishtirokchilar oʻz yosh toifalarida turli kardio-mashgʻulotlarni bajarishgach, lazerli toʻpponchadan oʻq otishlari kerak boʻladi. Oddiy sharoitdagi Laser Run musobaqasida oʻq otish yugurish mashqidan soʻng amalga oshiriladi.

Oʻzbekiston terma jamoasi esa xalqaro tashkilotning tashabbusini qoʻllab-quvvatladi va quyidagi tarkibda ishtirok etishni rejalashtirdi: ⠀⠀

1. Bahromjon Gaziyev – Oʻzbekiston zamonaviy beshkurash federatsiyasi raisi.

2. Alise Faxrutdinova – Tokio Olimpiadasi litsenziati.

3. Aleksandr Savkin – Tokio Olimpiadasi litsenziati.

4. Violetta Zarali – Zamonaviy beshkurash boʻyicha Oʻzbekiston yoshlar terma jamoasi murabbiyi.

5. Sadriddin Kobiljonov – yoshlar terma jamoasi aʼzosi.

6. Bogdan Uljayev – yoshlar terma jamoasi aʼzosi.

7. Yaroslav Uljayev – yoshlar terma jamoasi aʼzosi.

8. Kira Soy – yoshlar terma jamoasi aʼzosi.

9. Iskander Gulyamov – yoshlar terma jamoasi aʼzosi.

 

Oʻzbekiston zamonaviy beshkurash federatsiyasi matbuot xizmati

 

Manba

 

Поделиться 2020-05-01 16:25:12