Islohotlar samarasi: Voleybol bo’yicha O’zbekiston chempionatida uzoq yillardan beri ilk marotaba 26 ta jamoa ishtirok etdi

O’zbekistonda jamoaviy sport turlarini rivojlantirishga shahsan mamlakatimiz Prezidenti Shavkat Mirziyoev tomonidan e’tibor qaratilgan. Shunga monand ravishda Milliy olimpiya qo’mitasi bu yo’nalishda ham talaygina islohotlar olib bormoqda. Sport o’yinlarini rivojlantirish O’zbekistonda ustuvor vazifalardan biri hisoblanadi.

MOQ rahbari Umid Ahmadjonovning bergan ko’rsatmalari asosida Toshkent viloyatining Parkent tumanida voleybol bo’yicha 2004-2005 yillarda tug’ilgan o’g’il va qizlar o’rtasida O’zbekiston chempionati o’tkazildi. Bahslarda 26ta (13ta jamoa o’g’il bolalar, 13ta jamoa qizlar) jamoa qatnashgani mamlakatimizda voleybolning ommalashayotganidan darak bermoqda.

O’g’il bolalar o’rtasida o’tkazilgan bellashuvlarning hal qiluvchi final bahsiga Andijon va Qashqadaryo viloyati jamoalari yetib borishdi. Murosasiz kechgan uchrashuvda qashqadaryolik yigitlar 3:0 hisobida g’alaba qozonishdi. Uchinchi o’rin uchun kechgan o’yinda esa Qoraqalpog’iston terma jamoasi vakillari sirdaryolik raqiblarini 3:1 hisobida mag’lub etib, sovrindorlar qatoridan joy oldilar.

Qizlar o’rtasida bo’lib o’tgan musobaqaning finaliga esa Jizzah hamda Buxoro jamoalari yetib kelishdi. Murosasiz kechgan bahsda o’ziga xos xarakter ko’rsata olgan jizzaxliklar 3:2 hisobidagi g’alabani tantana qildilar. Xorazm jamoasi esa farg’onalik raqiblarni 3:2 hisobida mag’lub etib, uchinchi o’ringa sazovor bo’ldi.

Musobaqa yakunida kuchli uchlikka kirgan jamoalarga Milliy olimpiya qo’mitasining medalь, diplom va esdalik sovg’alari taqdim etildi.

«Musobaqa qiziqarli va keskin kurashlarga boy bo’ldi. Jamoalarning kuchi bir-biriga yaqinligini alohida qayd etib o’tish lozim. Tashkiliy tomonlama ham juda yaxshi tayyorgarlik ko’rilgan ekan. Sharoitlar juda yaxshi. Bahslarda 13 ta jamoa ishtirok etdi. Hakamlik borasida ham muammolar bo’lgani yo’q. Musobaqa davomida qashqadaryolik sportchilar jisoniy tayorgarligi evaziga qolganlardan ajralib turishdi», – dedi Andijon viloyati jamoasi murabbiyi Baxtiyor Xatamov.

Qayd etish lozimki, Milliy olimpiya qo’mitasi bundan keyin ham jamoaviy sport turlarini rivojlantirishda davom etadi. Voleybol qatorida shuningdek, basketbol, gandbol, chim ustida xokkey kabi sport turlarida ham jiddiy islohotlar olib boriladi. Maqsad Olimpiya va Osiyo o’yinlari kabi kompleks musobaqalarda sport o’yinlari bo’yicha ham sovrinli o’rinlarga ega chiqish. Ushbu sport turlarini yoshlar orasida ommalashtirish va sog’lom turmush tarzini targ’ib qilishdan iboratdir.

Manba

Поделиться 2018-07-12 11:20:05